കറ്റാര്‍വാഴയും , നെല്ലിക്കയും ചേര്‍ന്നാല്‍

പണ്ടത്തേക്കാള്‍ പ്രാധാന്യം കറ്റാര്‍വാഴയ്ക്കിപ്പോഴുണ്ടെന്നു പറഞ്ഞാല്‍ തെറ്റില്ല. പണ്ട് നമ്മുടെ വീട്ടുവളപ്പില്‍ കണ്ടുവന്നിരുന്ന ഈ ചെടിയ്ക്കു കാര്യമായ പ്രാധാന്യം ആരും നല്‍കിയിരുന്നുമില്ല. എന്നാല്‍ ഇപ്പോഴത്തെ കാര്യം അതല്ല. കറ്റാര്‍ വാഴയുടെ ആരോഗ്യഗുണങ്ങള്‍ എല്ലാവരും തിരിച്ചറിഞ്ഞു കഴിഞ്ഞു. ആരോഗ്യത്തിനു മാത്രമല്ല, മുടിസംരക്ഷണത്തിനും ചര്‍മസംരക്ഷണത്തിനുമെല്ലാം കറ്റാര്‍വാഴ് ഒരുപോലെ ഉപയോഗപ്രദവുമാണ്. ഇതിലെ ആന്റിഓക്‌സിഡന്റുകള്‍ പല രോഗങ്ങളും ചെറുക്കാനുള്ള ഫലപ്രദമായ ഒരു മരുന്നാണെന്നു വേണം, പറയാന്‍. ആന്റിഓക്‌സിഡന്റുകള്‍ അടങ്ങിയിരിയ്ക്കുന്നതുകൊണ്ടുതന്നെ ചര്‍മത്തിനും മുടിയ്ക്കും ഒരുപോലെ ഉപകാരപ്രദവുമാകുമെന്നു പറയാം. 32 വൈറ്റമിനുകളുടെ കലവറയാണ്

നെല്ലിക്കയും പ്രകൃതിദത്ത വൈറ്റമിനുകള്‍ ആവോളം അടങ്ങിയ ഒന്നാണ്. ഇതിന്റെ ഏറ്റവും പ്രധാന ഗുണം വൈറ്റമിന്‍ സി അടങ്ങിയിരിയ്ക്കുന്നതെന്നതുതന്നെയാണ്. കൂടാതെ അമിനോ ആസിഡുകള്‍, അയേണ്‍, വൈറ്റമിന്‍ എ, ഫൈബര്‍ , പൊട്ടാസ്യം തുടങ്ങിയ പല ഘടകങ്ങളും ഇതില്‍ അടങ്ങിയിട്ടുണ്ട്. ശരീരത്തിന് പ്രതിരോധശേഷി നല്‍കാനും അസുഖങ്ങള്‍ തടഞ്ഞു നിര്‍ത്താനുമെല്ലാം നെല്ലിക്കയ്ക്കു കഴിയും. നെല്ലിക്കയും ആരോഗ്യത്തിനൊപ്പം മുടിസംരക്ഷണത്തിനും ഏറെ ഗുണകരമാണ്. നെല്ലിക്ക. ആയുര്‍വേദ മരുന്നുകളില്‍ പ്രധാനമായും ഉപയോഗിയ്ക്കുന്ന ഒന്നു കൂടിയാണിത്. വാതം, അള്‍സര്‍, വിളര്‍ച്ച തുടങ്ങിയ പല രോഗങ്ങള്‍ക്കുമുള്ള ഒന്നാന്തരം മരുന്നു കൂടിയാണിത്. കണ്ണിന്റെ കാഴ്ചയ്ക്കും ദഹനത്തിനും കൊളസ്‌ട്രോള്‍ കുറയ്ക്കാനുമെല്ലാം ഏറെ ഫലപ്രദം.

നെല്ലിക്ക അരിഞ്ഞു മിക്‌സിയില്‍ ജ്യൂസാക്കിയെടുക്കുന്നതാണ് ഏറ്റവും നല്ലത്. തികച്ചും ഫ്രഷായി. കറ്റാര്‍ വാഴയും ഇതു ത്‌ന്നെയാണ് ഏറ്റവും നല്ലത്. ഇതല്ലെങ്കില്‍ ഇപ്പോള്‍ ഈ രണ്ടു ജ്യൂസുകളും വിപണിയില്‍ നിന്നും വാങ്ങാന്‍ ലഭിയ്ക്കും. ഈ രണ്ടു ജ്യൂസുകളും തുല്യ അളവിലെടുത്ത് വെള്ളത്തില്‍ കലര്‍ത്തി കുടിയ്ക്കാം. ചെറുചൂടുള്ള വെള്ളമെങ്കിലും കുഴപ്പമില്ല. രാവിലെ വെറുംവയറ്റില്‍ കുടിയ്ക്കുന്നതാണ് ഏറെ ഗുണകരം. ദിവസവും ഇതു ശീലമാക്കുന്നത് ഏറെ ഗുണം നല്‍കും. ഇതിനു ശേഷം അര മണിക്കൂര്‍ ശേഷം മറ്റെന്തെങ്കിലും കഴിയ്ക്കുന്നതാണ് നല്ലത്.

കറ്റാര്‍വാഴയും നെല്ലിക്കാജ്യൂസും ചേരുമ്പോള്‍ ആരോഗ്യഗുണങ്ങള്‍ രണ്ടിരട്ടിയാകും. ഇവ രണ്ടും ചേരുന്നത് തടി കുറയ്ക്കാനുള്ള പ്രധാന വഴിയാണ്. ഇതിനു പുറമെ പലതരം രോഗങ്ങള്‍ക്കുള്ള മരുന്നു കൂടിയാണ്. ദിവസവും ഇവ രണ്ടും ചേര്‍ത്തു കുടിയ്ക്കുന്നത് ആയൂര്‍വേദവും പറയുന്ന ഒരു വഴിയാണ്. പ്രമേഹം, കൊളസ്‌ട്രോള്‍, ദഹനപ്രശ്‌നങ്ങള്‍, വിളര്‍ച്ച തുടങ്ങിയ പല പ്രശ്‌നങ്ങള്‍ക്കുമുള്ള മരുന്നാണിത്ശരീരത്തിലെ അപചയപ്രക്രിയ ശക്തിപ്പെടുത്താനുള്ള നല്ലൊരു വഴിയാണ് കറ്റാര്‍വാഴ, നെല്ലിക്ക ജ്യൂസ് എന്നിവ ചേര്‍ത്തു കുടിയ്ക്കുന്നത്.

ഇതുവഴി ശരീരത്തിലെ ടോക്‌സിനുകള്‍ വേഗത്തില്‍ പുറന്തള്ളപ്പെടുന്നും. ടോ്ക്‌സിനുകള്‍ മാത്രമല്ല, കൊഴുപ്പും പുറന്തള്ളപ്പെടും. ഇത് ശരീരത്തിന്റെ തടി കുറയ്ക്കാന്‍ ഏറെ സഹായകമാണ്. ആയുര്‍വേദ പ്രകാരം ശരീരത്തില്‍ ടോക്‌സിനുകള്‍ അടിഞ്ഞു കൂടുന്നത് തടി കൂടാനുള്ള ഒരു പ്രധാന കാരണം കൂടിയാണ്. തടി കുറയ്ക്കാന്‍ ശ്രമിയ്ക്കുന്നവര്‍ കറ്റാര്‍വാഴയും നെല്ലിക്കാജ്യൂസും തുല്യ അളവിലെടുത്ത് ഇതില്‍ തേന്‍ ചേര്‍ത്ത് കുടിയ്ക്കുന്നതു നല്ലതാണ്.

ചര്‍മത്തിനും മുടിയ്ക്കും ചേരുന്ന നല്ലൊരു മിശ്രിതമാണ് കറ്റാര്‍ വാഴയും നെല്ലിക്കാനീരും. നെല്ലിക്ക ചര്‍മത്തില്‍ പ്രായാധിക്യം കാരണമുള്ള കുത്തുകള്‍ക്കു പരിഹാരമാണ്. ഇതിലെ വൈറ്റമിന്‍ സിയാണ് ഇതിനു സഹായിക്കുന്നത്. ചര്‍മത്തില്‍ ചുളിവുകളുണ്ടാകുന്നതു തടയാനും രക്തപ്രവാഹം വര്‍ദ്ധിപ്പിയ്ക്കുന്നതു വഴി ചര്‍മാരോഗ്യത്തിനുമെല്ലാം ഏറെ ഗുണകരമാണ് കറ്റാര്‍ വാഴ, നെല്ലിക്കാനീര് എന്നിവ കലര്‍ന്ന മിശ്രിതം. ഇതിലെ വൈറ്റമിന്‍ ഇയും ചര്‍മത്തിനു ഗുണകരമാകും.

മുടിയുടെ നര ഒഴിവാക്കാനുള്ള നല്ലൊരു വഴിയാണിത്. കറ്റാര്‍വാഴയും നെല്ലിക്കയും മുടിയുടെ ആരോഗ്യത്തിന് ഏറെ ഉത്തമമാണ്. ഇവ രണ്ടും മുടി വളരാന്‍ സഹായിക്കുന്നു. മുടിയുടെ വരണ്ട സ്വഭാവം മാറ്റുന്നു. നെല്ലിക്ക മുടിയ്ക്കു കറുപ്പു നല്‍കുന്നതിനും മുടിവളര്‍ച്ചയ്ക്കും ചേര്‍ന്ന ഒന്നാണ്. ഇവ രണ്ടും ചേരുമ്പോള്‍ മുടി നല്ലപോലെ വളരുകയെന്ന ഗുണം ലഭിയ്ക്കും, മുടിയ്ക്കു കറുപ്പു ലഭിയ്ക്കും, അകാലനര ഒഴിവാക്കാനുള്ള നല്ലൊരു വഴിയാണ് ഈ പ്രത്യേക മിശ്രിതം. ഇവ കലര്‍ത്തി കുടിയ്ക്കുന്നതും മുടിയില്‍ തേയ്ക്കുന്നതുമെല്ലാം ഒരുപോലെ ഗുണം ചെയ്യും. മുടിയ്ക്ക് ഈര്‍പ്പം നല്‍കുന്നതുകൊണ്ടുതന്നെ മുടിയില്‍ താരന്‍ പോലുള്ള പ്രശ്‌നങ്ങള്‍ ഒഴിവാക്കാനും ഇത് ഏറെ നല്ലതാണ്.

ഈ പോസ്റ്റ്‌ നിങ്ങള്‍ക്ക് ഉപകാരപ്പെട്ടങ്കില്‍ ഇത് നിങ്ങളുടെ കൂട്ടുകാര്‍ക്കും ഷെയര്‍ ചെയ്യുക. കൂടുതല്‍ ഉപകാരപ്രദമായ പോസ്റ്റുകള്‍ ടൈം ലൈനില്‍ ലഭിക്കാന്‍ ഈ പേജ് ലൈക്ക് ചെയ്യുക.

ജീവിതശൈലി രോഗങ്ങള്‍ക്ക് ഒറ്റമൂലികള്‍ ഉപയോഗിക്കുമ്പോള്‍